كتب رئيس حزب الاتحاد الوطني والنائب السابق ورئيس مجلس إدارة مجموعة شركات الأردنية للطيران الكابتن محمد الخشمان في منشور له على فيسبوك :
يا جماعه والله تعبتونا وانتوا مش لافيين سولافه غير راتب فلان وتعيين فلان هو البلد ناقصها بلبله ولا مش شايفين الامور زادت عن حدها بالانتقاد.
اذا احنا بالقطاع الخاص منبوس ايده لمهندس بخبرة 20 سنه عشان يقبل ب 3000 دينار وما بيقبل لانه احتياجاته العائليه اكثر من هيك.
بكفي يا جماعة الخير خلينا نلتفت لشغلنا واتركوكوا من الحكي الفاضي واتركوا الدولة تشوف شغلها.
والله شي بحزن كل ما بدهم يعملوا شي بيطلعلهم كذا واحد يعارض وبفزع الناس عليهم .
يا جماعه خلينا نشتغل وننتج ونطعمي ولادنا خبز بدل الكلام الفاضي والصالونات الفاشله.
واللي عنده اقتراح ايجابي بوديه للحكومه وانا متاكد انها رح تسمع وتناقش اذا كان فيه فايده للمواطن والبلد .
ما بينفع نكون منظرين ومراقبين ومعارضين بسلبيه مطلقه .